Sumqayıt şəhər İcra Hakimiyyəti 49 saylı bağçanını müdirəsi Sahibə Ağayevanın cəzalandırılması ilə bağlı yayılan informasiyaya münasibət bildirib.
Vertikal.az xəbər verir ki, qurumun sözçüsü İqrar Eyvazov Xeberle.com-açıqlamasında bağça müdirəsinin cəzalandırıldığını təsdiq edib. İ. Eyvazov deyib ki, işlərində məsuliyyətsizliyiə yol verdiklərinə və buraxdıqları nöqsanlara görə 3 bağça müdirəsinə sonuncu xəbərdarlıq olunub: "Sumqayıt şəhər İcra Hakimiyyətinin Başçısı Zakir Fərəcov 5, 49 və 51 saylı bağçaların müdirlərinə şiddətli töhmət verib və sonuncu dəfə işlərində dönüş yaradılması ilə bağlı xəbərdarlıq edib. Bundan sonra bağçalara nəzarət daha da gücləndirilib və bu məsələ diqqətdə saxlanılıb.”
O, sözlərinə əlavə edib ki, gələcəkdə hər hansı bir bağça müdirəsinin işində nöqsan olarsa dərhal ciddi cəzalandırılacaq.
