2015-ci ildə bir barelə görə neftin qiymətinin 25 dollara düşəcəyini bildirən nefttreyderi, “Andurand Capital” fondunun rəhbəri Pyer Andyuran yaxın iki ildə neft qiymətlərinin kəskin artacağını proqnozlaşdırılıb.
Bu barədə AzVision.az “Bloomberg”-ə istinadən xəbər verir.
“Biz aşağı neft göstəricilərinin yüksək qiymətlərə əvəzləndiyi dünyada yaşayırıq. Hesab edirəm ki, qiymətlər dibə çatıb”, - deyə fond rəhbəri bildirib.
Pyer Andyuranın fikrincə, 2016-cı ildə neft qiymətləri bir barel üçün 50 dollar, 2017-ci ildə isə 70 dollar səviyyəsinə yüksələcək: “Eyni zamanda investorlar neft qiymətlərində kəskin dəyişikliklərə hazır olmalıdırlar”.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,05 dollar artaraq 32,24 dollar təşkil edib.
Qeyd edək ki, ICE London qitələrarası birjasında Brent markalı neftin 1 barelinin dəyəri 0,02 dollar artaraq 32,20 dollar olub.
