Bəzi avtomobil yuma məntəqələri və tikinti materialları satılan mağaza sahibləri bilərəkdən səkiləri dağıdır.
“Qafqazinfo” xəbər verir ki, bu barədə “AzəryolServis” ASC-nin mətbuat katibi Anar Nəcəfli sosial şəbəkədə yazıb. Bir neçə şəkil təqdim edən mətbuat katibi bildirib ki, yol təsərrüfatına ziyan təkcə yol nəqliyyat hadisələri zamanı dəymir:
“Təəsüflər olsun ki, bəzi vətəndaşlar öz şəxsi mənafelərini hər şeydən üstün tuturlar. Bu zaman yol təsərrüfatına dəyən maddi ziyanı bir kənara qoyaq. Bu cür insanlar və bəziləri hər şeyə “mənim deyil” fikri ilə yanaşırlar. Əsas problemi də məhz “mənim deyil, nə olursa olsun” fikrindədir.
Aşağıdakı fotolarda avtomobil yuma məntəqəsinə və tikinti materialları satılan mağazalara giriş-çıxışı daha da "asanlaşdırmaq" və ya genişləndirmək üçün obyekt sahibləri səki daşlarını belə dağıdırlar”.
