Ötən il Obama ailəsinə verilən hədiyyələrin ümumi dəyəri 1,5 milyon dollar təşkil edib.
Lent.az-ın xarici KİV-ə istinadən məlumatına görə, Ağ Saray ötən il ABŞ-a ziyarətə gələn dünya liderlərinin prezident Barak Obamaya bağışladıqları hədiyyələrin siyahısını açıqlayıb.
Bu hədiyyələrin içində ən dəyərlisi isə, mərhum Səudiyyə kralı Abdullahın bağışladıqları olub.
Kral Vaşinqton ziyarətində Obamaya hər biri 18 min dollar dəyərində olan qızıl və gümüşdən 2 qol saatı ilə, Məkkədəki saat qülləsinin aksessuarını hədiyyə edib.
Kralın Obamanın xanımı Mişelə etdiyi hədiyyə isə 1,3 milyon dəyərində almaz və zümrüddən hazırlanmış gərdanlıq olub. O, Obamanın qızlarına 80 min dollarlıq bijüteriya hədiyyə verib.
