Bir neçə gün əvvəl rabitə və yüksək texnologiyalar naziri postundan kənarlaşdırılan Əli Abbasov Dövlət İqtisad Universitetindəki vəzifəsindən də uzaqlaşdırılıb. Bu barədə Qaynar.info-ya universitetdəki mənbədən bildirilib.
Mənbə xatırladıb ki, Əli Abbasov 2000-2004-cü illərdə Azərbaycan Dövlət İqtisad Universitetinin rektoru olub: “O nazir vəzifəsinə məhz rektor poostundan gətirilib. Nazir ikən Dövlət İqtisad Universitetinin “İnformasiya iqtisadiyyatı və texnologiyaları” kafedrasının müdiri vəzifəsini də yerinə yetirib. Dünən nazir postundan azad edildikdən sonra bu gün səhər saatlarında kafedra müdirliyindən kənarlaşdırılmasına da qərar verilib. Qərarın gələn həftənin birinci, ya da ikinci günü rəsmiləşdirilməsi gözlənilir”.
