“Bu gün Moskvada Türkiyə və Ermənistan xüsusi nümayəndələrinin görüşü keçiriləcək. Türkiyə və Ermənistan münasibətləri ilə paralel Azərbaycan və Ermənistan arasında münasibətlər normallaşarsa, bu, bizim üçün faydalı olar”.

APA-nın məlumatına görə, bunu bu gün Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev Azərbaycan Prezidenti İlham Əliyevin yanvarın 12-də Azərbaycanın yerli televiziyalarına verdiyi müsahibəsi zamanı səsləndirilmiş əsas fikirlərə dair media üçün açıq müzakirələr zamanı bildirib.

F. Şəfiyev deyib ki, bəzi dairələr Ermənistanla Türkiyə arasında münasibətlərin normallaşmasını istəmirlər: “Mən 3+3 formatına da münasibət bildirmək istəyirəm. Gürcüstan bu formatda iştirak etmir. Bu da başa düşüləndir. Bu format ona görə yaradılıb ki, heç kən kənarda qalmasın. Mən özüm də 2 gün sonra Gürcüstanda səfər edəcəm”.