Qəhrəman Azərbaycan Ordusunun əsgər və zabitləri torpaqlarımızın yağı düşməndən azad edilməsi uğrunda Vətən müharibəsində yüksək fədakarlıq və rəşadət göstərir, hər gün yeni-yeni qəhrəmanlıq nümunəsi yaradırlar.

Müdafiə Nazirliyinin mətbuat xidmətindən AZƏRTAC-a daxil olan növbəti videoçarxda Azərbaycan Ordusunun igid əsgəri Elnur Mirzəyevdən söhbət açılır.

Cəsur əsgərimiz Vətənimizin azadlığı uğrunda döyüşlərdə fəal iştirak edərək topçulara verdiyi dəqiq hədəflərlə düşmənin xeyli sayda atəş nöqtəsini, canlı qüvvəsini və dayaq məntəqələrini məhv edib.