Vertikal.az-ın Gəncəbasar müxbiri oxucularımızın diqqətini cəlb edəcək bir ilginc kampaniya ilə bağlı fotomaterial göndərib.
Belə ki, Şəmkirdə istehsal olunan çörək rayon ərazisində və ətraf rayonlarda 30 qəpiyə satıldığı halda Gəncə şəhərindəki marketlərdə skoçla bağlanmaqla iki çörək birlikdə 30 qəpiyə satılır. Bununla da Gəncə şəhərindəki çörək satışı inhisara alınır, digər istehsalçı və Bakıdan Gəncəyə pəhriz çörəyi gətirən sahibkarlar bazardan sıxışdırılıb çıxarılır. Yəni bu günədək müxtəlif istehsalçı və satışla məşğul olan şirkətlərin çeşidli kampaniyaları ilə tanış idik, bircə çörək kampaniyamız çatmırdı, onu da gördük...
