“Yalan vədlər davam edir, yaxşı həyat ümidi sönür”.

Vertikal.az-ın məlumatına görə, KONKRET.az erməni mətbuatına istinadla xəbər verir ki, bu sözləri “Ermənistan” parlament fraksiyasından deputat Tadevos Avetisyan deyib. O, Ermənistanda sosial durumun, yoxsulluq səviyyəsinin acınacaqlı səviyyədə olmasından danışıb.

“Bir çox faktlar bunu sübut edir:

– 2021-ci ildə Ermənistan vətəndaşları COVID-19 səbəbi ilə geniş iqtisadi və əsassız məhdudiyyətlərin, üstəgəl 44 günlük müharibənin iqtisadi nəticələrinin olduğu 2020-ci ildən daha pis yaşayır;
– Eyni zamanda, 2019-cu illə müqayisədə 2020-ci ilədək yoxsulluq səviyyəsi 0,6% artıb, onun amilləri 2021-ci ilə qədər artaraq 2022-ci ilə qədər qalıb;
• 2022-ci il dövlət büdcəsinə əsasən, gələn il Ermənistan Respublikasının vətəndaşları bu ildən də pis yaşayacaq”, – deyə Avetisyan qeyd edib.

Yeri gəlmişkən, müxalifət deputatlarının 2022-ci il dövlət büdcəsi layihəsinin aşkar şəkildə antisosial xarakterini yumşaltmağa yönəlmiş çoxsaylı təklifləri heç vaxt qəbul olunmayıb. Əvəzində hakimiyyət növbəti dəfə yalan vədlər verməklə kifayətlənib.