Son günlər cəmiyyətdə ən çox müzakirə olunan məsələlərdən biri də “Yeni Müsavat” qəzeti və Milli Şura, daha doğrusu qurumun sədri Cəmil Həsənli arasında olan çəkişmədir. Artıq Cəmiyyətdə bir çox şəxslər bu qarşıdurma haqda öz fikirlərini bildiriblər. Məsələ ilə bağlı Moderator.az-a açıqlama verən Azərbaycan Liberal Partiyanın sədri Əvəz Temirxan mübahisə edən tərəflərin onun üçün heç bir maraq kəsb etmədiyini deyib:
“Mən bu iki tərəfin bir-birilərinə nə deməsini, nə yazmasını izləmirəm. Bu mənim və təmsil olunduğum partiya üçün maraqsız şeydi. Belə şeyləri izləməklə vaxt itirmək fikirində deyiləm. Yeni Müsavat qəzeti ilə Milli Şuranın çəkişməsi mənim maraq dairəmdə deyil, buna münasibət bildirib kiminsə tərəfini tutmaq fikrindən də uzağam”
