Sabir Rüstəmxanlı AzTV və əməkdar artisti sərt tənqid etdi (VİDEO)
Tarix: 26-11-2021, 11:07 | Çap et
Sabir Rüstəmxanlı AzTV və əməkdar artisti sərt tənqid etdi (VİDEO)

Azərbaycan Respublikası Milli Məclisinin deputatı Sabir Rüstəmxanlı AzTV telekanalını, dolayı yolla da Əməkdar artist Babək Niftəliyevi sərt tənqid edib.

"Unikal" xəbər verir ki, millət vəkili "Facebook" səhifəsində AzTV-nin yaxşı niyyət güdən bu layihəsinin belə gülünc hala salınmasına təəssüfləndiyini bildirib.

"Ənənəvi musiqi üçlüyü - tar və kamança ifaçıları, bir də əlində qaval olan müğənni... Çalıb-oxumaq üçün haranı seçsələr yaxşıdır? Zəngilan rayonunun işğalçılar tərəfindən dağıdılmış bir kəndini. Hərəsi bir uçuq divarın üstündə oturublar. Nə olar, burda da oxumaq olar. Düşündüm ki, indi savaşın gətirdiyi faciələr haqqında və ya bu kəndin harayına bənzər bir ifa səslənəcək. Ancaq mahnını dinləyəndə heyrətə gəldim.

Burada, düşmənin xaraba qoyduğu bu ağlar yurdda da son illər müsiqimizi işğal etmiş şit "diringi" əsəblərimi cırmağlamağa başladı. İnsan gözüyumulu və əhlikef olmalıdır ki, bir yurdun uçuq divarının üstündə, dağılmış bir kənddə oturub "Könüllər cəlb edən bu xoş mənzərə..." deyib oxusun. Görəsən bu üç sənət adamı ətrafa baxmırdılar? Düşünmürdülər ki, bu ürək dağlayan görüntüyə "xoş mənzərə" demək olmaz? AzTV-nin yaxşı niyyət güdən bu layihəsinin belə gülünc hala salınmasına təəssüfləndim...", - deyə deputat qeyd edib. Sabir Rüstəmxanlı AzTV və əməkdar artisti sərt tənqid etdi (VİDEO)Sabir Rüstəmxanlı AzTV və əməkdar artisti sərt tənqid etdi (VİDEO)




Xəbərlər
 
 
 
 
 
 
 
 
 
 
 
 
 
 
 
 
 
 
 
 
07-12-2022 10:01
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net