“OPEC+” gündəlik neft hasilatını 400 min bareldən çox artıra bilər
Tarix: 28-04-2022, 16:24 | Çap et


“OPEC+” (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) ölkələri planlaşdırıldığı kimi iyunda neft hasilatını gündəlik daha 432 min barel artıracaq.

“APA-Economics”in verdiyi xəbərə görə, bu barədə “Reuters“ alyansdakı mənbələrə istinadən xəbər verir.

“Çox güman ki, “OPEC+” sazişin mövcud şərtlərinə əməl edəcək və mayın 5-də keçiriləcək iclasda iyunda neft hasilatını gündəlik 432 min barel artırmağa razılaşdıracaq”, - məlumatda qeyd olunur.

Xatırladaq ki, "OPEC+" ölkələri nazirlərinin iyul ayında keçirilmiş 19-cu iclasında qəbul edilən razılaşmaya görə, avqustdan başlayaraq "OPEC+" ölkələrinin gündəlik xam neft hasilatının hər ay 400 min barel artırılması, 5,8 mln. barel həcmində ixtisarların 2022-ci ilin sentyabrında başa çatdırılması və gələn ilin mayından etibarən neft hasilatının baza səviyyəsinə qismən düzəlişlər edilməklə "Əməkdaşlıq Bəyannaməsi"nin müddətinin 2022-ci ilin sonunadək uzadılması nəzərdə tutulub. Azərbaycan da "OPEC+" razılaşmasının iştirakçısıdır.




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 077 333-72-33 E-mail : [email protected]
Designed by Daraaz.net