2021-ci ilin 1 yanvar tarixindən etibarən Azərbaycan qazı Bolqarıstana daxil olacaq.

Bu barədə Bolqarıstanın Baş naziri Boyko Borisov məlumat verib.

Onun sözlərinə görə, bu proses enerji tədarükünün tam şaxələndirilməsi kimi qəbul edilə bilər.

Baş nazir bildirib ki, işlər tam sürətlə davam edəcək, Bolqarıstan bu layihədə öz öhdəsinə düşənləri icra edəcək və tikinti prosesində heç bir gecikmə yaranmayacaq.

Qeyd edilib ki, Bolqarıstan Aleksandrupolis mayeləşdirilmiş təbii qaz terminalında artıq 20 faiz paya sahibdir.