“Mançester Yunayted” klubu almaniyalı mütəxəssis Ralf Ranqniki baş məşqçi postuna gətirib.

Jurnalist Fabrisio Romanonun iddiasına görə, tərəflər artıq müqaviləni imzalayıb. Müqavilənin müddəti mövsümün sonuna kimi təyin edilib.

Daha sonra Ranqnik iki il ərzində “Mançester Yunayted”də məsləhətçi kimi çalışacaq. Mütəxəssis yeni məşqçinin təyinatı, futbolçularla müqavilə müddətinin uzadılıb-uzadılmaması kimi məsələlərə dair tövsiyələrini verəcək.

Yaxın vaxtlarda “Mançester Yunayted”in təyinatla bağlı rəsmi açıqlama verəcəyi gözlənilir.

Mənbə: Championat.com