“Sevinirəm ki, gənc yaşımda Paralimpiya çempionu oldum”.

vertikal.Az-ın xəbərinə görə, bunu Azərbaycana Tokio Paralimpiya Oyunlarında ilk qızıl medalı qazandıran cüdoçu Şahanə Hacıyeva deyib.

O, 48 kq çəki dərəcəsində bu gün Yaponiya, Rusiya və Fransadan olan rəqiblərinə qalib gələrək ilk Paralimpiya çempionluğunu qazanıb.

“Çempionluğum hələ də mənə yuxu kimi gəlir. Sevinirəm ki, Tokioda Azərbaycan himnini ilk mən səsləndirəcəyəm. Nəhayət ki, Tokioda bizim himn də səslənəcək. Bu qələbəmi müəllimimə, valideynlərimə və şəhidlərimizə həsr edirəm. Allah bütün şəhidlərimizə rəhmət eləsin. Ardını digər komanda yoldaşlarımdan da gözləyirəm”, - deyə Paralimpiya çempionu vurğulayıb.

Qeyd edək ki, Azərbaycan bu gün cüdoda daha bir qızıl və bürünc medal qazana bilər.