"Formula 1"də yeni mövsümə start verilib.
"Report"un məlumatına görə, bu gün Avstriya Qran-prisi sınaq yürüşləri ilə start götürüb. Artır ilk sınaq yürüşü başlayıb.
İkinci sınaq isə Bakı vaxtı ilə saat 17:00-da start götürəcək.
Qeyd edək ki, "Formula 1"də yeni mövsüm martda Avstraliyada başlamalı idi. Lakin koronavirus pandemiyası səbəbindən yarış ləğv edilib. Avstriya Qran-prisinə iyulun 5-də yekun vurulacaq.
"Formula 1"də ilk 8 Qran-prinin təqvimi məlumdur. Avstriyadan sonra Macarıstan (17 - 19 iyul), Böyük Britaniya (31 iyul - 2 avqust, 7 - 9 avqust), İspaniya (14 - 16 avqust), Belçika (28 - 30 avqust), İtaliya (4 - 6 sentyabr) Qran-priləri baş tutacaq. Bütün yarışlar azarkeşsiz keçiriləcək.
İndiyədək Bəhreyn, Vyetnam, Çin, İspaniya və Kanada Qran-priləri təxirə salınıb, Avstraliya, Monako, Niderland, Fransa, Azərbaycan, Sinqapur və Yaponiya mərhələləri isə ləğv olunub.
