Ümumdünya Güləş Birliyinin sərbəst güləşçilər arasında keçirdiyi onlayn yarışın qalibi iranlı Həsən Yazdani olub.

Oxu.Az xəbər verir ki, Olimpiya, ikiqat dünya, Asiya çempionu, Bakıdakı IV İslam Həmrəyliyi Oyunlarının qalibi səsvermə əsasında keçirilən yarışın finalında azərbaycanlı Hacı Əliyevdən üstün olub.

İranlı idmançıya 87 111, Hacıya 76 953 səs verilib. Nəticədə Olimpiya mükafatçımız, üçqat dünya və Avropa çempionumuz ikinciliklə kifayətlənib.

Qeyd edək ki, H.Əliyev daha əvvəl səsvermədə Qeno Petriaşvili, Frank Çamiso və Cordan Barouzdan üstün olmuşdu.