Sumqayıt şəhərində çoxmərtəbəli yaşayış binasının yeddinci mərtəbəsində ümumi sahəsi 54 m² olan mənzilin mətbəxində ev əşyaları 12 m² sahədə yanıb.
Bu barədə “Report”a Fövqəladə Hallar Nazirliyinin (FHN) Mətbuat xidmətindən məlumat verilib.
Bildirilib ki, mənzil yanğından mühafizə olunub. Yanğın yanğından mühafizə bölmələri tərəfindən söndürülüb.
Bundan başqa, Neftçala rayonunun Ballıcalı kəndində ümumi sahəsi 135 m² olan kürsülü birmərtəbəli evin qamışdan ibarət tavanı və dam örtüyünün yanar konstruksiyaları 22 m² sahədə yanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
