Bakının Yasamal rayonunda yaşayış binasında yanğın baş verib.
APA xəbər verir ki, hadisə Şərifzadə küçəsi 241 ünvanında qeydə alınıb.
9 mərtəbəli binanın elektrik şaxtasında tüstülənmə meydana gəlib. Daha sonra yanğın müşahidə olunub. Bina sakinləri təxliyə edilib. Yanğının qarşısı Fövqəladə Hallar Nazirliyinin Yanğından Mühafizə Xidmətinin əməkdaşları tərəfindən alınıb.
