Fransada ağır yol-nəqliyyat hadisəsi baş verib.

“Report” RİA “Novosti”yə istinadən xəbər verir ki, hadisə Drom departamentinin ərazisində qeydə alınıb.

Belə ki, “Renault Scenic” avtomobili yoldan çıxaraq aşıb. Daha sonra avtomobil yanmağa başlayıb.

Nəqliyyat vasitəsində olan 9 nəfərin dördü özünü xilas etsə də, beş uşaq yanaraq ölüb.

Hadisə yerinə 50-dən çox yanğınsöndürən və dörd ağır yaralını xəstəxanaya çatdırmaq üçün üç helikopter cəlb edilib.

Qəzaya səbəb nəqliyyat vasitəsinin əyləcində yaranan problem göstərilir.