ABŞ prezidenti Barak Obama" target="_blank"> hazırda Əfqanıstanda olan ABŞ hərbçilərinin 2016-cı ilin sonunadək Əfqanıstanda qalacaqlarını bildirib.
ANS PRESS-in məlumatına görə, hazırda əfqanıstanda 9800 ABŞ hərbçisi var.
Onların gələn ilin sonunadək mərhələ-mərhələ Əfqanıstandan çıxarılacağı nəzərdə tutulurdu. Obama oktyabrın 15-də Ağ evdə çıxış edərəkn bildirib ki, ABŞ ordusunun bu ölkədə missiyası dəyişməyəcək və onlar yerli qüvvələrə təlimləri davam etdirəcəklər. Obama həmçinin qeyd edib ki, ABŞ 2017-ci ildən sonra Əfqanıstanda 5500 nəfərlik ordu saxlayacaq.
“Hazırda bu ən doğru olan qərardır. Əfqanıstanın ölkəmizə hücum üçün yenidən terrorçular tərəfindən baza olaraq istifadə edilməsinə icazə verə bilmərəm”,- deyə Obama bildirib. Barak Obama Amerika əsgərlərinin ölkədən tamamilə çəkilməsi üçün Talibanla Əfqan hökumətinin razılığa gəlməsinin əsas şərtlərdən biri olduğunu da sözlərinə əlavə edib.
O bildirib ki, bu ordu Kabil ətrafındakı Baqram, habelə Calal-Abad və Qəndəhar ətrafındakı bazalarda yerləşdiriləcək. Obama qeyd edib ki, qərar onun milli təhlükəsizlik komandası və Əfqanıstan hökuməti ilə məsləhətləşmələrdən sonra qəbul edilib. Son günlər Talibançıların Əfqanıstanda fəallaşıdığı müşahidə olunur.
