Rusiya xarici işlər nazirinin müavini Sergey Ryabkov Cenevrədə qitələrarası nüvə ballistik raket imkanlarını məhdudlaşdırmaq məqsədi daşıyan Strateji Silahların Azaldılması üzrə Yeni Müqavilə (START) üzrə ABŞ nümayəndə heyəti ilə görüşdüyünü bildirib.
Vertikal.az Sonxeber.az-a istinadən xəbər verir ki, TASS xəbər agentliyinin verdiyi məlumata görə Ryabkov İsveçrənin Cenevrə şəhərində keçirilən mətbuat konfransında ABŞ nümayəndə heyəti ilə görüş keçirdiyini qeyd edib.
"Təbii ki, diqqət Yeni START və onun ətrafında baş verən hadisələrə yönəldilib" ,- deyə Ryabkov bildirib.
Ryabkov bildirib ki, Britaniya və Fransa nümayəndələri ilə görüş nəzərdə tutulmayıb.
Rusiya prezidenti Vladimir Putin fevralın 21-də Federal Məclisdəki çıxışında Rusiyanın ABŞ ilə Yeni START-da iştirakını dayandırdıqlarını, daha sonra bu müqaviləni dayandıran qanunu imzaladıqlarını açıqlayıb.
