Avropa Komissiyası (AK) yaxın iki həftə ərzində qazın qiymətinin müəyyən səviyyəyə endirilməsi planını təqdim etmək niyyətindədir.
“APA-Economics”in verdiyi xəbərə görə, bu barədə Avropa Komissiyasının sədri Ursula fon der Leyen bildirib.
Məlumata görə, planın məqsədi Avropa İttifaqında qazın qiymətini müəyyən səviyyəyə endirməkdir ki, bu, tədarük üçün təhlükə yaratmasın.
"Yaxın iki həftə ərzində biz enerji qiymətlərinin və elektrik enerjisinin qiymətlərini necə ram etmək barədə təkliflərlə çıxış edəcəyik. Məqsəd təchizatın təhlükəsizliyinə xələl gətirmədən qiyməti müəyyən səviyyəyə endirmək olacaq", - Ursula fon der Leyen qeyd edib.
