Ötən gün Ukrayna ordusu tərəfindən sıradan çıxarılmış Rusiyanın Qara dəniz donanmasına məxsus “Moskva” kreyserinin qiyməti açıqlanıb.
Musavat.com "oxu.az"a istinadən xəbər verir ki, “Moskva” kreyserinin qiyməti 750 milyon ABŞ dolları təşkil edir.
Həmçinin qeyd olunur ki, bu, Rusiya ordusunun Ukraynada hərbi əməliyyatlar başlayandan etibarən verdiyi ən bahalı hərbi itkidir.
Bu arada Rusiya Müdafiə Nazirliyi ötən gün Ukrayna ordusu tərəfindən sıradan çıxarılmış Rusiyanın Qara dəniz donanmasına məxsus “Moskva” kreyseri barədə rəsmi açıqlama yayıb. Nazirliyin məlumatına görə, kreyserin Ukrayna ordusu tərəfində vurulması həqiqəti əks etdirmir: “Moskva” kreyseri fırtına zamanı yedəyə alınarkən batıb”.
