Rusiya prezidenti Putin fevralın 24-də Ukraynaya hərbi əməliyyat əmrindən sonra dünya bu işğal cəhdinə qarşı çıxdı. Bir çox Qərb dövlətləri, xüsusilə ABŞ Rusiyaya qarşı sanksiyalar tətbiq edərkən, Çeçenistan lideri Ramazan Kadırov Rusiyaya "sadiq"liyini ifadə edib.
Bizimyol.info xəbər verir ki, bu yaxınlarda 10 mindən çox ordusu ilə Rusiyaya dəstək görüntülərini yayımlayan Kadırov indi ukraynalıları təhdid edən görüntü paylaşıb.

Bəzi beynəlxalq qurumlar tərəfindən insan haqlarını pozmaqda ittiham olunan Kadırov öz videosunu "Telegram"da paylaşıb. Videonun Kiyev yaxınlığındakı Hotomeldə çəkildiyi və ilk bir neçə gündə rus əsgərlərinin hücumları ilə ələ keçirildiyi bildirilib. Kadırovun əsgərlərin olduğu otaqda planları stolun üstünə qoyması və təhlil etməsi diqqətdən yayınmayıb.

"Keçən gün biz Kiyev faşistlərindən sizdən 20 km aralı idik və indi daha da yaxınıq. Biz sizə göstərəcəyik ki, rus praktikası müharibəni xarici nəzəriyyədən və hərbi məsləhətçilərdən daha yaxşı öyrədir. Tam hərbi koordinasiya, qoşunların düzgün yerləşdirilməsi və qətiyyətli hücum. Bizə lazım olan tək şey budur. Başladığımız işi tez başa çatdırmalıyıq", - deyə dəstə başçısı bildirib.

Kadırov öz qoşunlarının gücü ilə öyünüb və deyib ki, Ukrayna qüvvələri onun döyüşçüləri ilə qarşılaşanda “qaçırlar”.

O: "Şeytanı bağışlamayacağıq", - deyib.

Qeyd edək ki, bir başqa kanalda ukraynalı jurnalist videonu izlədikdən sonra onu qısaca şərh edib: "Şeytan aydın görünmürmü?", - deyə.