“Sosial tələblərin ilk başladığı Qərbi Qazaxıstanın ağsaqqalları keçirdikləri toplantıda xalqın haqlı tələblərindən istifadə edərək ölkədə törədilənləri pisləyiblər. Onlar bu addımı atanların və ölkədə qarışıqlıq yaradanların təcili istefa verməsini tələb edirlər”.
Vertikal.az xəbər verir ki, bunu “Şərq-Qərb” Araşdılrmalar Mərkəzinin rəhbəri Ərəstun Oruclu Qazaxıstandan əldə etdiyi məlumatlar əsasında bildirib.

Siyasi şərhçi qeyd edib ki, Qazaxıstandakı mənbələrin ona ötürdüyü məlumatda deyilir:

“Ağsaqqallar ölkənin 1993-cü ildə qəbul olunmuş Konstitusiyasının bərpasını tələb edərək, kütləvi etiraz aksiyalarının davam etdirilməsinə və bunun bütün ölkəni əhatə etməsinə çağırış səsləndiriblər. Qərbi Qazaxıstan Ağsaqqalları ölkə prezidenti Kasım-Jomart Tokayevi satqın və xain elan ediblər”. //Cebhe.info//