"Dünyanı daha da çətin günlər gözləyir"
Bizimyol.info xəbər verir ki, bunu BMT-nin baş katibi Antonio Quterreş jurnalistlərə müsahibəsində deyib.

Baş katibin sözlərinə görə, 2021-ci ilin sonunda koronavirus pandemiyası hələ də davam edir və müxtəlif dövlətlərin əhalisi arasında xəstəliklə mübarizə vasitələrinə sahib olmaq imkanlarına görə bərabərsizlik yaranıb.

Quterreş hesab edir ki, inkişaf etməkdə olan ölkələrin yükü artıb, eyni zamanda, onların pandemiyadan xilas olmaq üçün resursları tükənib, inflyasiya və borcları artıb.

"COVID-19 hələ də var. Məlum olur ki, tək peyvəndlər pandemiyanın öhdəsindən gələ bilməz. Peyvəndlər peyvənd olunanların əksəriyyətinin xəstəxanaya yerləşdirilməsinə və ölümünün qarşısını alır, virusun yayılmasını ləngidir. Bununla belə, yayılma səngiməyib. Bu vaksinlərin qeyri-bərabər paylanması və peyvənd olunmaq istəməməsi ilə bağlıdır.” , - deyə yekunlaşdırıb.

"Bu arada, dünya iqlim böhranının həlli ilə ayaqlaşmır. Mən çox narahatam. Vəziyyət yaxşılaşmasa və tez bir zamanda düzəlməzsə, biz daha çətin günlərlə üzləşəcəyik", - deyə baş katib qeyd edib.