İtaliya hökumətinin iqtisadi siyasətinə qarşı məktəb müəllimləri etiraz olaraq tətil ediblər.
APA “Radio 1”ə istinadən xəbər verir ki, aksiyanın təşkilatçıları hakimiyyəti təhsilə çox az maliyyə ayırmaqda ittiham edirlər
Etirazçılar həmçinin mövcud müqavilə sistemindən narazılıqlarını bildiriblər. Eyni zamanda pandemiya ilə bağlı təhsil müəssisələrində çətinliklərin və təhlükəsizlik şəraitinin təmin edilməsinin vacibliyini qeyd ediblər.
Tətilə ölkənin ən böyük həmkarlar ittifaqları dəstək verib.
Qeyd edək ki, İtaliyada ən böyük həmkarlar ittifaqları dekabrın 16-da “sosial cəhətdən ədalətsiz” adlandırdıqları büdcə layihəsinə etiraz olaraq ümumi tətil elan ediblər.
