Əfqanıstanda “Taliban”ın hakimiyyəti ələ keçirməsindən sonra onminlərlə yerli sakin ölkəni tərk etmək qərarına gəlib.
Lakin bu, heç də onların hamısına qismət olmayıb.
Ağ Evdən verilən məlumata görə, təkcə ABŞ Əfqanıstandan 100 minə yaxın şəxsi təxliyə edib.
Hava yoluyla ölkəni tərk etməkdən əlini üzən əfqanlar isə Pakistanla sərhədə üz tutub.
“Haber Global” məlumat verir ki, iki ölkə arasındakı Spinboldak nəzarət keçid məntəqəsinə minlərlə əfqan toplaşıb.
Onların sayının getdikcə artdığı bildirilib.
