Avropanın hər yerində məktəblilər, tələbələr və müəllimlər yay fasiləsindən sonra sinif otaqlarına və auditoriyalara qayıtmağa hazırlaşırlar.

“Euronews” xəbər verir ki, COVID-19 infeksiyası təhlükəsi qitədə hələ də aktualdır. Buna görə də Avropa ölkələrinin hökumətləri təhsil ehtiyacları ilə təhlükəsizlik zəmanətinin vəhdət təşkil etdiyi çətin qərarlar qəbul etməlidirlər. Burada iki məqam üzə çıxır.

Birinci, qoruyucu maskaları kim və nə zaman istifadə etməlidir? Məsələn, bu Fransada dərs zamanı müəllimlər üçün məcburidir. İspaniyada müəllimlər və tələbələr maskaları yalnız bir-birlərinə yaxın vəziyyətdə olanda taxırlar, Niderlandda isə maskadan tamamilə imtina etmək qərarına gəliblər.

İkincisi, sosial məsafəni necə təmin etmək olar? Bunun üçün eyni sinifdə olan şagirdlərin sayını azaltmaq tövsiyə olunur. Təhsil prosesinin növbəli təşkili ilk dəfə Danimarkada tətbiq olundu və çoxu onun nümunəsindən istifadə etdi. Otağın həddindən artıq yüklənməməsindən qaçmağın başqa bir yolu isə onlayn dərslərdir.

Gigiyena qaydalarına hər yerdə ciddi şəkildə riayət edilməlidir. Almaniyada tez-tez əl yuma tövsiyə olunur, İspaniyada binaların ən azı bir dəfə, tualetlərin isə gündə ən azı üç dəfə hərtərəfli təmizlənməsinin vacib olduğu vurğulanır.

Əlbəttə ki, hər kəsi ilk növbədə şagirdlərin və ya müəllimlərin koronavirus testləri müsbət nəticə verərsə nə etmək lazım olduğu narahat edir. Hesab edirlər ki, ayrı-ayrı infeksiyaya yoluxma halları zamanı bütün müəssisə bağlanmamalıdır. Ancaq Almaniyada bəzi məktəblər bu səbəbdən bağlanmağa məcbur olub.

Başqa bir məqam isə qərarları hansı ölkələrin qəbul etməsidir. İtaliya və Fransa kimi bəzi ölkələrdə bu, ölkə hökumətinin səlahiyyətidir, digərlərində isə qərar qəbuletmə səlahiyyətləri ayrı-ayrı bölgələrə verilir.