Afrika qitəsində yeni növ koronavirus infeksiyasına (COVID-19) yoluxanların sayı 150 mini keçib.
APA-nın “Guardian”a istinadən verdiyi xəbərə görə, bu barədə Afrika qitəsi üzrə Xəstəliklərə Nəzarət Mərkəzi məlumat yayıb.
Afrika İttifaqının səhiyyə agentliyinin xəbərinə görə, indiyədək qitənin 54 ölkəsində ümumilikdə 152 442 nəfər koronavirusa yoluxub, bunlardan 63 661 nəfər sağalıb, 4344 nəfər vəfat edib.
Qeyd olunub ki, infeksiyaya yoluxma və ölüm halları daha çox Afrikanın şimalında qeyd alınıb.
