Rusiyada istehsal edilən “Avifavir” preparatının koronavirusun müalicəsində effektivliyi 80 faizdən yuxarıdır.

Bu barədə “İzvestiya” Rusiya Birbaşa İnvestisiya Fonduna istinadla məlumat verib.

Qeyd edək ki, sözügedən dərman Rusiya Federasiyasının Səhiyyə Nazirliyi tərəfindən təsdiqlənib.

Mütəxəssislərin fikrincə, “Avifavir”in kliniki sınaqları yayın sonuna qədər davam edəcək.

Bununla belə, artıq məlum olub ki, dərmandan istifadə edən test iştirakçılarında xəstəlik müddəti standart terapiya ilə müqayisədə doqquz gündən dörd günə enib. Müalicənin bu mərhələsində dərman qəbul edən xəstələrin 65 faizində COVID-19 testinin cavabı mənfi çıxıb, 10-cu gündə isə cavabları neqativ çıxan xəstələrin sayı 90 faizə yüksəlib.