Portuqaliya millisinin və Real Madrid klubunun ulduz futbolçusu Kriştiano Ronaldonun heykəlinə naməlum şəxslər hücum edərək, qırmızı boya ilə “Messi 10” yazıb.
ANS PRESS-in məlumatına görə, futbolçunun doğulduğu Madeyra adasında ucaldılan heykəlin üzərində yazılan “Messi 10” yazısı bu gün şəhər bələdiyyəsi təmizlik işçiləri tərəfindən təmizlənib və bu zaman heykəlin bir hissəsi zərər görüb. 2014-cü ildə ucaldılan heykəlin aşağısında “dünyanın ən yaxşı futbolçusu” yazılıb.
Ronaldonun heykəli
Hadisəyə sosial mediyada münasibət bildirən futbolçunun bacısı öz şəxsi ”Facebook” və ”Twitter” hesabında bunları yazıb: “Belə bir hadisənin olması üzücü bir haldır və ən utancverici qısqanclıqlardan biridir. Portuqaliyalı olaraq, bu məni utandırır və çox üzür. Bu gözəl adada hələ də Suriyada yaşamağa layiq olan, hörmətsiz və cəmiyyətdə yaşamağa layiq olmayan insanlar var. Müharibə üzündən əziyyət çəkənlər məni bağışlasın, amma dünya çox pis dağılıb”.
