“İslam Dövləti” (İŞİD) terror təşkilatının rəhbəri Əbu Bəkr əl-Bağdadi “Taliban” hərəkatının təsisçisi molla Məhəmməd Öməri "savadsız səhra komandiri" adlandırıb və onun haqqında "etibara layiq deyil” deyib.
Taliblərin liderləri isə tərəfdarlarını İŞİD-ə qarşı durmağa və onun bayrağını Əfqanıstan üzərində qaldırmağına imkan verməməyə çağırıblar.
SalamNews-un TASS-a istinadla verdiyi xəbərə görə, bu barədə Əfqanıstan polisi məlumat verib.
Əfqanıstan hüquq-mühafizə orqanları ölkədə İŞİD-in yaradılmağının arxasında vəziyyəti destabilləşdirmək və ölkə rəhbərliyi ilə taliblər arasındakı danışıqlara mane olmağa can atan xarici xüsusi xidmət orqanlarının dayandığı qənaətindədir.
