“Gündəlik” verilişinə geyindiyi geyimi və saç düzümündən sonra Röya Ayxanla qalmaqal yaşayan müğənni Rəqsanə İsmayılova yenidən imicini dəyişib. Lent.az-ın məlumatına görə, saçlarının rəngini tündləşdirən ifaçı bu barədə “İnstagram” səhifəsində yazıb: “Dəyişdim. Mən bəyəndim. Bəs siz?”.
İfaçının yeni imici sosial şəbəkədə müzakirələrə səbəb olub.
Qeyd edək ki, R.Ayxan ondan sonra “Gündəlik” verilişinə çıxan R.İsmayılovanın geyindiyi geyimi və saç düzümü barədə bu sözləri demişdi: “Rəqsanə də incəsənət adamıdır, geyinə bilər. Amma deməməliydi ki, ilk dəfə o geyinib. Biz göstərdik ki, o geyimi 2011-ci ildə “Göndər” mahnısına çəkilən klipdə geyinmişəm. Məndən sonra mənim saçlarıma bənzər saçlarla efirə çıxmamalıydı. Adi insanların dilindən deyirəm ki, o saç olmadı. Ya bir müddət gözləməli, ya da dəyişməli idi”.
