Astara təhsilində biabırçı mənzərə... (FOTO)
Tarix: 4-04-2015, 10:20 | Çap et
Astara təhsilində biabırçı mənzərə... (FOTO)
Vertikal.az-a daxil olan məlumata görə, Astara rayon Təhsil şöbəsinin müdiri Qızbəst Məmmədova H.Əliyev prospektində yerləşən 1 saylı şəhər tam orta məktəbinin futbol meydançasını rayonda “xod gedən” iş adamına - (vaxtı ilə Astaranın, indi isə Biləsuvarın icra başçısı olan Mahir Quluyevin biznes ortağı) Babayev İlham Yadulla oğluna icarəyə verib.

İlham Babayev həmin sahədən işlədiyi “Gənclik” sadlıq sarayının avtomobil dayanacaqı kimi istifadə edir.

Məlumat üçün qeyd edək ki, adı çəkilən “Gənclik” şadlıq sarayı da bir neçə il əvvəl himayədarların köməyi ilə rayon mərkəzi poçtunun ərazisində tikilib və bu hadisənin rayonda yol açdığı narazlıq bu günə qədər davam edir.

Bir təhər poçtun həyətində yerləşən şadlıq sarayının sahibi indi də məktəb meydançasına göz dikib.

Verilən məlumata görə, əhalidə nəbz yoxlaması aparan Qızbəst xanım sahibkara bildirib ki, rayonda futbol meydançası ilə bağlı sakitlik yaranan kimi Dövlət Əmlak Komitəsiylə razılaşıb həmin ərazinin birbaşa satışını da təşkil edəcək.

Maraqlısı budr ki, işdən rayon icra başçısı Qəzənfər Ağayevdə xəbərdardır. Onun nəyin xətrinə susması isə təəccüb doğurur .

Baş verən hadisədən xəbərdar olan rayon sakinəri buna ciddi etiraz edirlər. Onlar hələlik məlumatı mətbuata ötürərək məsələni ictimailəşdirməklə problemin öz həllini tapmasına ümid bəsləyirlər.

Bu ümidlər özünü doğrultmasa ölkə rəhbərliyini məlumatlandırmaq üçün imza toplanacağı xəbər verili.

Astara təhsilində biabırçı mənzərə... (FOTO)





Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
E-mail : [email protected]
Designed by Daraaz.net