“Dünən və bu gün sənədlərimizin toplanması, sənədləşmə işlərinin tamamlanması ilə məşğul olmuşuq”.
Bunu Hafta.az-a açıqlamasında Azərbaycan Xalq Partiyasının (AXP) sədri Pənah Hüseyn deyib. AXP sədrinin sözlərinə görə onların qoşulduğu blokuna qoşulanların hamısının başı qarşıdan gələn seçkilərə və seçki öncəsi proseslərə qarışıb:
“İclaslar keçiririk. “Azadlıq 2015” seçki blokun rəsmi qeydə alınması ilə bağlı işlər görülür. Yəqin ki, bu gün günortadan sonra sənədləşmə işlərini tamamlayıb sənədlərimizi Mərkəzi seçki komissiyasına təqdim edəcəyik. Azərbaycan Xalq Partiyası seçkilərə 6 namizədlə qatılır”.
