Bakıdakı ali məktəblərin tələbə yataqxanaları ilə bağlı sorğunu davam etdiririk. Vertikal.Az saytının sorğusunun budəfəki iştirakçısı Azərbaycanın ilk və aparıcı ali təhsil müəssisəsi olan Bakı Dövlət Universitetidir.
Universitetin mətbuat xidmətinin rəhbəri Pərvanə İbrahimova sorğumuza cavabında deyib:
“Bakı Dövlət Universitetinin yataqxanalarının bir hissəsi sökülüb, yerində yeni tələbə şəhərciyinin salınması nəzərdə tutulub. Şəhərcik hazır olacağı təqdirdə universitetin 20 min tələbəsindən 5 mininin yataqxana tələbatı ödənəcək. Yaşayış olsa da, təmirinə ehtiyac olan aspirantların yataqxanasını da buraya əlavə etsək, ümumilikdə 6 min tələbənin yataqxana tələbatı ödənəcək”.
