ABŞ prezidenti Barak Obama Ağ Ev müxbirləri üçün verdiyi ənənəvi axşam yeməyində zarafatları ilə qonaqlarını güldürməyi bacarıb.
“Qafqazinfo” xarici KİV-ə istinadən xəbər verir ki, Obamanın müsəlman olması ilə bağlı yayılan iddialara zarafatla verdiyi cavab isə birmənalı qarşılanmayıb:
“ABŞ prezidenti olmaq o qədər də asan iş deyil. Hələ də yolunda getməyən miqrasiya sistemini təmir etmək, veto təhdidləri, İranla müzakirələr aparmaq məcburiyyətindəyəm. Bunları edərkən, paralel olaraq gündə beş vaxt namaz qılmağa zaman ayırmaq gərəkdir”.
