Bir vaxtlar məşhur kinorejissor və aktyor olan Nizami Musayev həbs edilib.
Vertikal.az vesti.az-a istinadən xəbər verir ki, N.Musayev Səbayel Rayon Polis İdarəsi əməkdaşlarının keçirdiyi əməliyyat zamanı Bakıda həbs olunub.
N.Musayev 1992-ci ildə AXC-Müsavat hakimiyyəti dövründə DİN Mütəşəkkil Cinayətkarlığa Qarşı Mübarizə İdarəsinin (“bandotdel”) rəisi postunu tutub. O, 1995-ci ildən axtarışda idi.
N.Musayevə qarşı CM-in iki maddəsi ilə ittiham irəli sürülüb. O, xüsusilə böyük məbləğdə dövlət əmlakını mənimsəməkdə və vəzifə səlahiyyətlərini aşmaqda ittiham olunur.
