Hamlet İsaxanlının qızının döyülməsi işi böyüyür.
Tia.az-ın əldə etdiyi məlumata görə, bu hadisəni törədənlərin cəzalandırılması tələb olunub. Özəl qaynağın məlumatına görə, həmin şəxslərin cəzalandırılması ən yuxarı eşalonda müzakirə olunub. Belə ki, tutulub, daha sonra azad edilən iki qardaşın bu əməlinin yenidən ictimailəşməsi məhz hesablanıb. Prokurorluq Xəzər Universitetinin təsisçisi Hamlet İsaxanlının qızı Ülkər İsayevanın döyülməsində təqsirləndirilən şəxslərlə bağlı apellyasiya protesti verib. Bunu Baş Prokurorluğun mətbuat xidmətinin rəhbəri Eldar Sultanov deyib. O bildirib ki, apellyasiya protesti Bakı şəhər Prokurorluğu tərəfindən Xətai rayon Məhkəməsinin çıxardığı qərara qarşı verilib və həmin protestə bu gün saat 17:00-da Bakı Apellyasiya Məhkəməsində baxılacaq. Qeyd edək ki, Xəzər Universiteti rektorunun qızı Ülkər İsayeva 9 mart 2015-ci il tarixində Bakı şəhərində, Azadlıq prospekti ilə Üzeyir Hacıbəyli küçəsinin kəsişməsində iki qardaş tərəfindən fiziki işgəncəyə məruz qalıb. Baş vermiş hadisə ilə əlaqədar Bakı şəhər Baş Polis İdarəsində Cinayət Məcəlləsinin 221-ci (xuliqanlıq) maddəsi ilə cinayət işi başlanıb və prokurorluq iş üzrə təqsirləndirilən Məmmədov Zaur Muxtar oğlu barəsində həbs qətimkan tədbirinin seçilməsi barədə məhkəməyə müraciət edib. Lakin Xətai rayon Məhkəməsinin hakimi Raziyə Ataşova prokurorluğun vəsatətini təmin etməyib.
