Hadisə mart ayının 22-də baş versə də xəbər mətbuata mart ayının 31-də sızdırıldı. Səhəri gün isə başçının müavini tutduğu vəzifədən azad edildi.
Sözügedən hadisə ilə bağlı Rupor.Az-a Zədabdan ilginc məlumatlar daxil olub. Rayondakı mənbənin sözlərinə görə, Allahverdi Səfərov oğlunun həbsi xəbərinin mətbuata sızdırılmasında Lütfəli Babayevdən şübhələndiyi üçün yaxın vaxtlarda cavab “atəşi” açacağı gözlənilir.
Mənbə qeyd edir ki, Lütfəli Babayev sabiq müavinin onun yerinə göz dikməsindən şübhələnidiyi üçün bu addımı atıb. Daha bir informasiyada qeyd olunur ki, Allahverdi Səfərov Lütfəli Babayevlə çalışdığı müddət ərzində bir çox maxinasiyların canlı şahidi və iştirakçısı olub. Bunlarla bağlı yaxın günlərdə mətbuata açıqlama verəcəyi və aidiyyatı qurumlara müəyyən faktları təqdim edəcəyi gözlənilir. Mənbə bildirir ki, bu faktlar əsasında başçının həbsi də qaçılmazdır.
Yazıda adları keçən şəxslərin də mövqeyini dərc etməyə hazırıq.
