“Kiyevin Donbasda iqtisadiyyatı bərpa etmək niyyətini görmürük. Bu gün Donbasda böhran davam edir”.
APA-nın məlumatına görə, bunu Rusiya telekanallarının canlı yayımında jurnalistin sualını cavablandıran Rusiya prezidenti Vladimir Putin deyib.
O, Ukrayna prezidenti Pyotr Poroşenkonun qapalı görüşdə “Donbas bizə lazım deyil” ifadəsini işlətmədiyini bildirib.
Ukraynanın hazırkı hökumətinin çoxlu səhvlər etdiyini deyən Putin rəsmi Kiyevin öz əlləri ilə Donbası Ukraynadan ayırdığını qeyd edib. “Bu səhvlərin nəticələri pis olacaq. Lakin bu, Ukrayna prezidenti və hökumətinin seçimidir”, - deyə o vurğulayıb.
