Bu gün “Fəryad” filminin İsmayılı, aktyor Ceyhun Mirzəyevin doğum günüdür. “Qafqazinfo”nun məlumatına görə, aktyor aprelin 9-u 1946-cı ildə Ağdamın Abdal-Gülablı kəndində anadan olub. Azərbaycan Dövlət İncəsənət İnstitutunun rejissorluq fakültəsini bitirib.
48 illik ömrünün 35 ilə yaxını kino ilə bağlı olub. Çünki “Görüş” filmində Şıxəlinin oğlunun obrazını yaradanda cəmi 11 yaşı olub. On iki yaşı olanda isə “Ögey ana”ya dəvət alıb. “Mozalan”ın bədii rəhbəri olub. Hətta “Mozalan”ın başlığında səslənən vızıltı səsi də ona məxsus olub.
Ceyhun Mirzəyevin son filmi “Fəryad” olub.
Özü isə bu filmi görə bilməyib.
O, 1993-cü ildə vəfat edib.
