ABŞ Prezidenti Barak Obama Qəraib sammitində iştirak etmək üçün Yamaykaya səfər edib.
Axar.az xəbər verir ki, Obamanın səfəri 24 saat davam edəcək. Səfər çərçivəsində onun enerji, təhlükəsizlik və ticarət üzrə Qəraib sammitinin 15 üzvü ilə görüşü keçirilməsi nəzərdə tutulub.
Qeyd edək ki, bu, 1982-ci ildə ABŞ Prezidenti Ronald Reyqanın səfərindən sonra ABŞ prezidentinin Yamaykaya ilk səfəridir. Yamaykadan sonra Barak Obamanın Panamaya gedəcəyi gözlənilir.
