“Üzərində 0,75 manat qiymət yazılan məhsulu 0,88 manata vururlar”.
Azərbaycanda mağazada qiymət artımı ilə bağlı növbəti hal qeydə alınıb.
Oxu.Az xəbər verir ki, bu barədə məlumat Facebook sosial şəbəkəsində yerləşdirilib.
Şəbəkə istifadəçisi yazır ki, Park Bulvardakı “Bazar Store”dən iş üçün alış-veriş edərkən aşağıdakı halla qarşılaşıblar:
“Üzərində kassada 1,11 manat qiymət olan məhsulu 1,22 manata, üzərində 0,75 manat qiymət yazılan məhsulu isə 0,88 manata vururlar. Üstəlik öz çayımız olan 0,82 manatlıq “Azərçay” 1,48 manata satılır. Üçü birində olan kofelərin ən bahalısı 20 qəpik olduğu halda burada 0,29 qəpikdir”, - deyə, şəbəkə istifadəçisi yazıb və mağazadan aldığı çeklərin və qiymətlərin fotoşəkillərini internetdə yerləşdirib.
Həmin fotoları təqdim edirik:
