Mayın 13-də silahlılar Əfqanıstan paytaxtında qonaq evinə hücum ediblər, 5 nəfər öldürülüb, 6 nəfər yaralanıb. Öldürülənlərin biri amerikalı, ikisi hindistanlı olub. İki saat çəkən mühasirədən sonra Kabil Park Palace Hotel-dən 54 nəfər xilas edilib.
Silahlıları polis qətlə yetirib. Görünür, onlar daha çox adamı öldürməyi hədəfləyən intihar missiyası planlaşdırıblar.
Öldürülən 3 silahlı intihar jiletlərini partlada bilməyib.
Ötən il taliban silahlıları Kabildə – restoran və oteldə iki oxşar hücum həyata keçiriblər. Dünənki hücuma görə məsuliyyəti üzərinə götürən olmayıb.
