![İsrail Suriya ərazisinə hava zərbəsi endirib, 4 nəfər həlak olub İsrail Suriya ərazisinə hava zərbəsi endirib, 4 nəfər həlak olub](/uploads/posts/2015-04/1430109744_v.jpg)
İsrailə məxsus təyyarələr Suriya-Livan sərhədində yerləşən əl-Qəlamun yüksəkliklərində bir sıra bölgələrə zərbə endirib.
SalamNews-un "Al Mayadeen"ə istinadla verdiyi xəbərə görə, İsrailin bu təcavüzü nəticəsində dörd nəfər həlak olub, bir neçə nəfər yaralanıb.
"Al Jazeera"nın məlumatına əsasən, əl-Qəlamun yüksəkliklərindəki Vadi Şeyx və əl-Abbasiyyə bölgələrində Suriya ordusu və “Hizbullah”a məxsus raket qurğuları vurulub.
Bildirək ki, hazırda Suriya-İsrail sərhəd zolağı "əl-Qaidə" terror təşkilatının Suriyadakı qolu olan ən-“Nusra Cəbhəsi”nin nəzarətindədir.
Bununla belə, İsrail indiyədək terror qruplaşmalarına atəş açmayıb.