BVF qlobal neft qiymətləri üzrə proqnozunu yüksəldib
Tarix: 26-01-2021, 23:02 | Çap et
BVF qlobal neft qiymətləri üzrə proqnozunu yüksəldib

Beynəlxalq Valyuta Fondu (BVF) cari il üçün dünya neft qiymətləri (ortalama - red.) üzrə proqnozunu 3,3 dollar artıraraq 50,03 dollaradək yüksəldib.

Bu barədə "APA-Economics" BVF-nin yanvar hesabatına istinadən xəbər verir.

BVF-nin qiymətləndirmələrinə görə, ötən il neftin bir barelinin orta qiyməti 41,29 dollar təşkil edib.

Hesabatda qeyd edilir ki, 2021-ci ildə neft qiymətlərində artım gözləntiləri qlobal iqtisadiyyatın proqnozlaşdırılan bərpa olunmasını əks etdirir. Hesabatda neft qiymətlərində gözlənilən artıma baxmayaraq, onların 2019-cu ildə müşahidə edilən göstəricidən xeyli aşağı olacağı da vurğulanır.

Bununla yanaşı, BVF 2022-ci ildə neftin bir barelinin 48,82 dollar səviyyəsində olacağını da proqnozlaşdırır.




Xəbərlər
 
 
 
 
 
 
 
 
 
 
 
 
 
 
 
 
 
 
 
 
 

Vertikal.az © 2015
Məlumat internet səhifələrində istifadə edildikdə müvafiq keçidin qoyulması mütləqdir.
Bizimlə Əlaqə : Tel - 070 209-30-39 E-mail : [email protected]
Designed by Daraaz.net