ABŞ-ın Kaliforniya ştatının Red-Blaff şəhərində atışma baş verib.

“Report” xəbər verir ki, bu barədə “The New York Times” nəşri yazıb.

Qeyd olunub ki, “Walmart” ticarət şəbəkəsinin çeşidləmə mərkəzində baş verən atışma nəticəsində ən azı iki nəfər ölüb, dörd nəfər yaralanıb.

Polis insanlara atəş açan şəxsi yaralayıb və o xəstəxanaya aparılıb.

Hadisə yerinə dörd təcili tibbi yardım avtomobili gəlib. Hazırda polis atışmanın baş vermə səbəbini araşdırır.